હાઈકુ

ઊગ્યો સૂરજ
મિલની સાયરને
જાગ્યું શહેર

તારી પાંપણ
સળિયા પાછળ 'હું'
પુરાયો જલ્દી


કૂંડામાં માળો
બચ્ચાનું છોડ સાથે
થવું ઊડતાં

હાઈકુ

ઊઠ્યો સૂરજ

પથારીમાંથી મોડો

રવિવાર ને !

ઝોકા મારતી

ઊંઘની ગોળીઓ ને

દર્દી જાગતો

વાદળ પીંછી

ચિતરાઈ ધરતી

લીલા વોશમાં

ડામર રોડે

ઢળી રાત વહેલી

બલ્બ - તારાઓ !

દિલ - ખેતરે

ઊર્મિ પવને હલે

લાગણી રોપાં

સૂરજ ડૂબ્યો

પીધું તેજ ધરાએ

થોડું મેં પણ !

હાઈકુ

આ આંખો મ્હારી

ને સપનાં તમારાં

બહુ અન્યાય !

હાઈકુ

છીછરાં પાણી

ને તરસ્યા કિનારા

નદી શું કરે?

હાઈકુ

સૂકું એ થડ

સારસાં બેસવાથી

ભાસે છે લીલું

હાઈકુ

ચાળી તડકો

મારી આંખથી રચું

'મેઘધનુષ્ય'!

હાઈકુ

"પેરામેટા"ના

કિનારા બન્યા ધોળા

"સી-ગલ્સ" ટોળાં

(સીડની શહેરની નદી 'પેરામેટા' ... જેનાં કિનારે હું રહું છું ...! )